Wednesday, 17 October 2012

كيف اطلع حلوه بالصور ؟!

السلام عليكم ورحمة الله وبركاته

تبغين تطلعين حلوه في الصور و تحبين شكلك في المراية بس اذا تصورتي تحسين يا ان المراية تجاملك او الكاميرا زعلانة منك

هذي شوية نصايح عن كيف توقفين وتبتسمين قدام الكاميرا وكيف تتمكيجين واش تلبسين في جلسة تصوير


اولا : المكياج 

- استخدمي كريم اساس يحتوي على اس بي اف اقل من 25 اكثر من كذا رح يبين الوجه ساطع وابيض وانصحك بكريم اساس ماكس فاكتور (ageless elixir 2in1) وميك اب فورايفر اتش دي 
- اهم شي في التصوير يكون المكياج مات او مطفي يعني مايكون فيه اي دهون او لمعه فلازم اخر خطوة في المكياج البودرة تثبت وتطفي اللمعه
- خلي معاكي الاوراق المنشفة ( blotting paper ) لآن حرارة الاضاءة راح تخلي الوجه يفرز دهون ولازم نسحبها اول باول





- نحت الوجه والاضاءة (contouring & highlighting)  جدا مهم على الاقل الانف لآن هوا اكثر شي يفاجئك شكله بالصور 

واختاري لون الكونتور يميل على بني مو اورنج عشان يبين طبيعي اكثر


توضيح مناطق الكونتور البني والاضاءة الابيض


- لاتنسين تخفين سواد تحت العين بالمصحح الاورنج وفوقه الكونسيلر والاهم تنامين كويس وتحطين اقراص الخيار على عيونك عشان يخف سواد تحت العين

- نقطة مرا مهمه وكثير يهملونها هيا ترطيب الشفايف قبل الروج تذكري انك بتغيرين لون الروج اكثر من مرة وهذا الشي رح يخلي شفايفك تجف وتتقطع رح يبان في الصور بشكل واضح ولاحظت كثير من الي يجون يتصورون عند نورة اختي يسير معاهم كذا



ثانيا : اللبس

- خذي معاكي كم طقم بستايلات مختلفة وبدلي بينهم
- اذا مو عارفة اش تلبسين ومرا قفلت معاكي خليكي على البسيط والمعتاد جينز وقميص يأدي الغرض
- لاتكثرين طبقات وقطع باللبس لآنه ممكن يعطيكي وزن زيادة
- حتى لو ماكان عندك وزن زايد ممكن تلبسين مشد عشان ماتتكون "عرفطة " بالملابس < دايما تسيرلي بالذات مع البنسل سكرت



ثالثا : تعابير الوجه والابتسامة 

- لاتمثلين انك تضحكين او تغصبين الابتسامة رح يبان على عيونك خلي ابتسامتك طبيعية 
- لاتعلقين على تعبير وجه واحد اتكلمي واضحكي وفكري واي شي ممكن
- مو لازم تكون عينك طول الوقت على عدسة الكاميرا بس اي نظرة برا العدسة لازم توزنينها مع العدسة عشان ماتبان العين حوله تعاملي مع الكاميرا كأنو شخص يطالع فيكي كيف رح تكون نظراتك



رابعا : الوقفة والحركات

- خذي افكار من العارضات وصور المجلات وجربي الحركات
- خلي قدامك مراية كبيرة عشان تعرفين كيف تضبطين الوقفة ولو خرب شي في شعرك المكياج او اكسسوارك تشوفينه وتعدلينه مو بعد ماتتفرجين في صور تقولين هذي حلوه بس خسارة التعليقة مقلوبة < اكثر شي يسير 
- لاتكثرون من بيس وتشيز وحبتين وكذا ترا مامنها فايده والصباعين الي كنها قرون شيطان مادري شسمها مو حلوه 
- سوي كأنك تغنين ترقصين تصرخين لو بتقولين هباله وبطلع غبية رح تكون صورك تقليدية ومحا تحسين انك مودل واذا طلعت صدق بياخه رح تحذفينها فعادي 
- اذا تبغين قوامك يبان متناسق اوقفي على جنب ورجل قدام الثانية ,, هذي صورة توضح الحركة 

مدري متى ذي الصورة طالع شكلها حلو صح احيانا احسها سعودية 


يارب تكونوا استفدتوا .. دوركم  تقولولي ايش الحركات الي تسوونها وتحسون انها تحلي شكلكم بالصور ؟؟ 

احبكم .. XOXO











17 comments:

  1. شكرا
    و يسلموااا على البوست الجديد

    ReplyDelete
    Replies
    1. This comment has been removed by the author.

      Delete
    2. الله يسلمك حبيبتي

      Delete
    3. This comment has been removed by the author.

      Delete
  2. يعطيج العافية بصراحة استفدت من بعض النقاط

    ReplyDelete
    Replies
    1. يسعدني انك استفدتي

      Delete
    2. يسعدني انك استفدتي

      Delete
  3. الله يعطيك العافيه يا عسسوله

    جد استفدت منك كثثثير الله يجزاك خير

    واستتمري :**

    ReplyDelete
    Replies
    1. الله يعافيكي حبيبتي
      امين يارب وياكي
      شوكرا لك

      Delete
  4. يسعد قلبك مشكوورة هذا احلى موضوع بس تقدري تدليني وين القى احسن مشد

    ReplyDelete
    Replies
    1. يسعدك روحك حبيبتي يشرفني انه عجبك
      والله انا ماجربت انواع كثير بس سألتلك أختي تقول نعومي او المشاط

      Delete
  5. يسعد قلبك مشكوورة هذا احلى موضوع بس تقدري تدليني وين القى احسن مشد

    ReplyDelete
  6. آآآآهه أكثر شىء يعقدني صوري وخص نص بأرنبت خشمي =)، بس كل نصايحك باخذهاوأطبقها ، تدوين رائع أهنييك

    ReplyDelete
    Replies
    1. هههههه ياحياتي طلع كلنا نعاني من نفس المشكلة
      اشكرك حبيبتي

      Delete
  7. الى التعليق الاخير انا لا اعانيمنشيئ

    ReplyDelete

Share this post

Video Ads