Thursday, 16 August 2012

خلطات

السلام عليكم ورحمة الله وبركاته
اليوم مجمعتلكم الخلطات الي استخدمها للبشرة ومرا فادت معايا
شي من المواقع وشي من كلام البنات المهم انو بعد التجربة سرت ماقدر استغني عنها واستخدمها بشكل دوري

اول شي انا بشرتي مختلطة ومنطقة الانف دهنية واستخدام لصقات الانف مرا لايجدي نفعا احسه يوم يومين وبعدين تقلب اسوأ
بس سويت ذي الخلطة ومرا مرا ممتازة تنظف عميق وتشيل الاوساخ والدهون لفترة طويلة


1-
المطلوب : ملعقة جيلاتين طبيعي بدون نكهه - ملعقة حليب سايل

الجيلاتين دورته بالسوبر ماركتات ومالقيته الا بعد ماقالتلي وحده انه في سوبر ماركت النجمة 

تحطينهم في المايكرويف 10 ثواني بالكثير وبعدين حطيه على الانف طبقة خفيفه وافضل بفرشة شادو ماتحتاجينها
استني من 10 الى 15 دقيقا وبعدين اقشعيها ورح تلاحظين الدهون والاوساخ الي متجمعه عليها ومن جد تنظف عميق
المشكلة  ريحتها كريهه بس النتيجه تخليكي تتحملين


...............................................


2-
بالنسبة للبشرة هذي سنفرة مررا ممتازة
شوفان - زبادي - عسل - ترمس مطحون
 تخلطينهم مع بعض وتحطينهم على الوجه والرقبه تقريبا 30 دقيقا الين تنشف تماما وتحسين وجهك انشد
بشويه عسل سوي سنفرة لوجهك بستخدام فرشة زي هذي ولو مو متوفر باصابعك بعدين اغسلي وجهك ورح تلاحظين الفرق


ويفضل بعد ماتخلصين تمسحين وجهك بموية ورد


...............................................


3-
جلسرين و موية ورد اخلطيهم وحطيهم بقارورة او علب البخ زي الي عند سيفورا
وامسحي وجهك والاندرارمز بقطنة كل يوم قبل ماتنامين 
مررررا كويس لتصغير المسام وشد البشرة والتفتيح والنعومة




...............................................


4-

لتقشير الشفايف حطي فازلين قبل ماتنامين واذا صحيتي افركي شفايفك بفرشة الاسنان برقة وبحركة دائرية بدون ماتشدين وتجرحين شفايفك 
واذا تبغين توردين شفايفك اخلطي دم غزال مع فازلين ويعطي لون وترطيب




اتمنى تكونوا استفدتوا وكل عام وانتو بخير 




12 comments:

  1. مع انه اكره ريحة الثوم
    بس بجربها لاظفار صايرة تتكسر كثيير
    اللي تسويلي البدي كير والمنيكير عزك الله
    تقول السبب كثرة المناكير =(

    نايس بلوج

    http://elegantelady.blogspot.com/

    ReplyDelete

  2. مررررا حلوين الخلطات وسهلين
    ان شاء الله بجربها قريب :)

    ReplyDelete
  3. من جد مين يحب ريحة الثوم ,, بس فوايده تجبرك
    جربيها وادعيلي
    مشكور حبيبتي Mia k

    ReplyDelete
  4. اميرا مشكور حبيبتي ان شاء الله تستفيدي

    ReplyDelete
  5. الجلاتين خطيرررررر جربته وماتوقعته يطلع بلاوي

    ReplyDelete
  6. أعجبوني كثير
    ان شاء الله راح اجربها

    ReplyDelete
    Replies
    1. ان شاء الله اتمنى تستفيدي

      Delete
  7. من جد يعطيك العافيه

    ReplyDelete
  8. من جد يعطيك العافيه

    ReplyDelete
  9. ممكن اسأل حقت سنفرة الوجه اللي بالاصابع من وين جبتيها؟

    ReplyDelete
  10. انا الحين بشرتي مرا حساسة و تطلع لي حبوب في فترات معينة و اي خلطة تاثر فيني الحين خلطة السنفرة تحسينها بتنفع معي و لا تحسينها قوية و كمان العسل يسبب لي مشكلة و لا عادي يصير اغسل وجهي بدون فركه بالعسل و يعطيك العافية

    ReplyDelete
  11. انا من الرياض وين ممكن القى الجلاتين

    ReplyDelete

Share this post

Solisar's Instagram